دهن السير يسير
( زجل مغربي )
انتشر بناتنا كلام معفن كثير
غير جيب يا فم وݣولو
ما يربي ولا يجيب الخير
وصايتو ال الناس تقيلو
خاوي فارغ قاصد التدمير
ومول الجبهة محزم يݣولو
فين غادي سايݣ تقلد الغير
مسلوب لعقل تنسخ طريقو
براكة عليك من كثرة الشخير
شلا من بحالك صالو وجالو
ما ينفع غير لكلام الرزين
ولا يدهشك صداع لي بانو
الفن شريف يعجب السامعين
يغدي لعقول تفهى ف جمالو
تغيرات لحوال وساب كثير
غادي يعثر ومتلف خطواتو
-بقلم: محمد دومو
-مراكش/ المغرب
Moltka thfaf alrafden
ملتقى ضفاف الرافدين 